پاکستان میں افغان مہاجرین کے لئے موجود سروسز کی فہرست

پاکستان کا شمار دنیا کے ان ممالک میں ہوتا ہے جو کہ مہاجرین کی ایک بہت بڑی تعداد کو پناد دیے ہوئے ہیں ۔ان افغان مہاجرین کی سہولت کے لیے حکومت پاکستان نے اقوام متحدہ  کی ایجنسیوں ، عالمی اور مقامی غیر سرکاری اداروں کے تعاون سے مختلف خدمات کے  انتظامات  کیے ہیں۔ جو کہ ملک کے مختلف حصوں میں فراہم کی جاتی ہیں۔

اس مضمون میں ہم پاکستان میں افغان مہاجرین کے لیے موجود خدمات کے بارے میں معلومات فراہم کریں گے۔

پروف آف رجسٹریشن سنٹر / افغان کارڈ تجدید سنٹر

نادرا اقوام متحدہ کےافغان مہاجرین کے لیے مخصوص ادارہ  یو۔این۔ایچ۔سی۔آر  کے تعاون سے افغان مہاجرین کے لیے پروف آف رجسٹریشن سنٹر زپاکستان میں چلاتا ہے۔ ان رجسٹریشن سنٹر ز پر پاکستان میں رجسٹرڈ افغان مہاجرین اپنے افغان کارڈ کی ترمیم اور تجدید کرواسکتے ہیں اور ساتھ ساتھ اپنے بچوں کو بھی رجسٹر کرواسکتے ہیں۔ آپ ان سنٹرز کے حوالے سے تفصیلی معلومات اس ویب سائٹ سے حاصل کرسکتے ہیں۔

پاکستان میں فی الوقت فعال پروف آف رجسٹریشن سنٹر ز کی فہرست درج ذیل ہے۔

والنٹری ریپیٹرری ایشن سنٹر/ رضاکارانہ واپسی کے مراکز

یو-این-ایچ-سی-آر افغان کمشنریٹ کے تعاون سےخیبر پختونخوا اور بلوچستان میں رضاکارانہ واپسی کے مراکز چلاتا ہے۔ ان مراکز کا کام پاکستان میں مقیم افغان مہاجرین، جو کہ رضاکارانہ طور  پر افغانستان واپس جانا چاہتے ہیں، کو سہولیات فراہم کرنا ہے۔

آپ رضاکارانہ طور پر واپسی کے حوالے سے تفصیلی معلومات یو-این-ایچ-سی-آر  کی ویب سائٹ سے بھی حاصل کر سکتے  ہیں۔
پاکستان میں فی الوقت فعال رضاکارانہ واپسی کے مراکز کی تفصیلات درج ذیل ہے۔

پناہ کے حوالے سے معلومات اور معاونت

یو-این-ایچ-سی-آر پاکستان اپنے شراکتی اداروں کے تعاون سے افغان مہاجرین کو پاکستان میں پناہ کے حوالے سے معلومات اور معاونت فراہم کرتا ہے۔ یہ سروس ان افغان مہاجرین کے لیے ہے جن کے پاس افغان کارڈ یا افغان شہری کارڈ موجود نہیں۔

آپ پاکستان میں پناہ کے حوالے سے تفصیلی معلومات یو-این-ایچ-سی-آر   کی ویب  سائٹ سے حاصل کرسکتے ہیں۔ اگر آپ پاکستان کے علاوہ کسی دوسرے ملک میں پناہ لینا چاہ رہے ہیں تو آپ یو-این-ایچ-سی-آر   کی ہیلپ   پیج  پر معلومات لے سکتے ہیں۔

یو-این-ایچ-سی-آر اور اس کے شراکتی ادارے جو پاکستان میں پناہ کے حوالے سے افغان مہاجرین کو معاونت فراہم کرتے ہیں، ان  کی معلومات درج ذیل ہیں۔

اربن رفیوجی سپورٹ یونٹ
افغان کمیشنریٹ خیبر پختونخوا نے یو-این-ایچ-سی-آر اور جی-آئی-زی کی شراکت سے پاکستان میں مقیم افغان مہاجرین کے لیے اربن رفیوجی سپورٹ یونٹ قائم کیا ہے۔ اس یونٹ کا مقصد پاکستان میں مقیم افغان مہاجرین کو صحت، تعلیم، تحفظ اور رضاکارانہ واپسی کے حوالے سے معلومات اور معاونت فراہم کرنا ہے۔ اس یونٹ میں تعلیم، صحت ، حفاظت اور معاش کے لیے الگ شعبے قائم کیے گئے ہیں۔ آپ اربن رفیوجی سپورٹ یونٹ کے حوالے سے تفصیلی معلومات افغان کمشنریٹ  کی ویب سائٹ سے حاصل کرسکتے ہیں۔

افغان کمشنریٹ

افغان کمشنریٹ سرکاری ادارہ ہے جو کہ چاروں صوبوں میں وزارتِ ریاستی و سرحدی امور کے ماتحت کام کرتا ہے۔  افغان کمشنریٹ یو-این-ایچ-سی-آر، اقوام متحدہ کے ادارہ برائے نقل مکانی [یو-این-مائیگریشن] اور دیگر عالمی اور مقامی این-جی-اوز کے ساتھ مختلف پروگراموں پر شراکت سے کام کرتا ہے۔ افغان کمشنریٹ سے رابطے کے لیے معلومات درج ذیل ہیں۔

اربن  کوہیجن ہب
اربن  کوہیجن ہبز' جرمن ادارے جی-آئی-زی اور مقامی این-جی-اوز کے اشتراک سے قائم کیے گئے مراکز ہیں۔ ان مراکز کا مقصد میزبان برادریوں اور افغان مہاجرین میں ہم آہنگی کو فروغ دینا ہے۔
یہ مراکز تعلیم اور ہنر سے متعلق مختلف کورسز فراہم کرتے ہیں۔ ساتھ ہی ساتھ یہ قانونی معاملات ، نفیساتی و سماجی مسائل اور صحت کے حوالے سے مسائل پر  افغان مہاجرین اور میزبان برادری کو معاونت فراہم  کرتے ہیں۔

ان مراکز سے رابطے کے لیے معلومات درج ذیل ہیں۔

قانونی امداد برائے افغان مہاجرین
شارپ پاکستان مین افغان مہاجرین کو مختلف مسائل کے حوالے سے قانونی امداد فراہم کرتا ہے۔ آپ شارپ سے رابطے کے لیے معلومات اوپر دیکھ سکتے ہیں یا ان کی ویب سائٹ سے حاصل کرسکتے ہیں۔

اس ک علاوہ شارپ پاکستان 'ریفیوجی کنیکٹویٹی تیٹ ورک' چلاتا ہے جو کہ پاکستان میں افغان مہاجرین کے لیے مختلف اداروں کی طرف سے مہیا کی گئی خدمات کے حوالے سے معلومات ایک پلیٹ فارم پر فراہم کرتا ہے۔ آپ ان ادراوں سے رابطے کے لیے معلومات ان کی ویب سائٹ سے حاصل کرسکتے ہیں یا ان کی 7/24 فعال ہیلپ لائن  03341112004 پر رابطہ کرسکتے ہیں۔

بولو سے رابطہ کریں!
اگر آپ پاکستان میں مقیم افغان مہاجر ہیں اور آپ کو پاکستان میں موجود مختلف خدمات کے حوالے سے معلومات چاہیے تو آپ ہمیں ہمارے فیس-بک  پیج کے ذریعے پیغام بھیج سکتے ہیں۔ ہماری تربیت یافتہ ماڈرئٹیرز کی ٹیم  پیر سے جمعہ صبح 9 سے شام 5 بجے تک سوالات کے جواب دیتی ہے۔